Ons Skoolhoof
Mnr. G.O.Nel

 

Lorem ipsum dolor sit amet, in sint homero tacimates
est. Id assum rationibus definitionem sea.

ONS MISSIE

Ons streef daarna om ons leerlinge tot gebalanseerde en verantwoordelike mense te ontwikkel in diens van hul medemens en Suid-Afrika. Dit geskied deur toepaslike en sinvolle kwaliteitonderrig. Ons poog om dit met deernis te doen as vennoot van die ouer sodat ons leerlinge hul volle potensiaal kan bereik.

UIT DIE KANTOOR

MEER OOR ONSSELF

Bellville-Noord staan bekend as ‘n plattelandse skool in ‘n stadsomgewing. Bellville-Noord is amptelik geopen in Januarie 1950 met 68 leerlinge en drie onderwysers. Mej. C.M. Lochner was die heel eerste skoolhoof. Die skoollied is in 1966 geskryf deur mev. M. De Vos en deur Rosa Nepgen getoonset. Sedert daardie klein begin het die skool oor die jare gegroei tot ‘n medium-grootte Afrikaanse skool met ongeveer 540 leerlinge.

Ons netjiese en goed versorgde geboue en sportfasiliteite is die afgelope paar jaar opgegradeer. Afdakke is ook tot voordeel van ons leerders opgerig.

Ons Snoepie was jare lank in privaatbesit, maar is sedert 2016 weer onder beheer van die skool. Minder soetighede en meer voedsame produkte word verkoop.

Twee goed toegeruste graad R-klasse word deur gekwalifiseerde onderwysers en ‘n assistent behartig. Ons poog om ons getal per klas (graad 1 tot 3) so klein as moontlik te hou indien dit finansieel haalbaar is. Ons het tans drie graad 1-klasse en vanaf graad 2 is daar twee klasse per graadgroep. Ons seuns en dogters in graad 7 is in aparte klasse om die emosionele en fisiese verskille wat op hul ouderdom voorkom die beste te akkommodeer.

Rekenaarklasse word aangebied vanaf graad 1 tot 7. Die rekenaarsentrum beskik oor 26 moderne rekenaars waarop verskeie opvoedkundige programme gelaai is. Alle rekenaars is aan die internet gekoppel.

Ons bedieningsares is as volg: Bellair, Bloemhof, Blommendal, Blomtuin, Bo-Oakdale, Chrismar , De la Haye, Groenvallei, La Rochelle, Oakdale, Oakglen, Vredenberg. Ons het egter ook leerders uit die groter Brackenfell/Durbanville-area.

NASKOOLSENTRUM

Die Naskoolsentrum voorsien kos direk na skool. Die naskoolsentrum is oop gedurende vakansies, uitsluitend Desember (+/- 15 Desember tot 15 Januarie). Ons bied ook ‘n voorskooldiens (onder privaatbestuur).

 

OUER-ONDERWYSERS
VERENIGING

Die Ouer-onderwysersvereniging is baie aktief betrokke by fondsinsamelings en die aanbieding van aktiwiteite. Ons ouers, en oud-leerders, kan ook by ‘n informele krieketspan, Die Brounies, betrokke raak.

 

SKOOLLIED

Bellville-Noord wanneer ons saam is
wil ons altyd sing van jou
en met trots dra ons jou kleure
aan jou naam is ons getrou.
In ons werk is ons gelukkig,
dis ‘n lus om hier te leer.
‘n Genot om tot jou glorie
op die sportveld te presteer,
en hier bind ons vriendskapsbande
wat ons deur die jare hou.
Bellville-Noord, trou aan ons leuse,
Ja, met vreugde wil ons bou.

Kontak Ons

Tel. 021 948 3654
Faks. 021 949 2087
E-pos: lbnoord@bnprim.co.za

Adres

Van der Stelstraat
Bellville
7539

Web Design by iPlay-Media