AKADEMIE

Graad R

Dis met trots dat ons kan sê dat kleuters by Bellville-Noord van hulle gelukkigste skooljare in graad R deurbring.
Die personeel bestaan uit twee ervare en goed opgeleide onderwysers. ‘n Assistent word tussen die twee klasse afgewissel.

Ons poog om leer-, gereedheids- en gedragsprobleme vroeg te identifiseer en pro-aktief op te tree. Dit strek tot u kind se voordeel dat ons toegang het tot alle ander geriewe van die skool. Die gr. R-afdeling is baie goedtoegerus met vaardigheidsapparaat en opvoedkundige speelgoed. In ons netjiese en groot binnehof waar die leerlinge toegang het tot ‘n klimraam, sandputte en vele meer is daar genoeg tyd om te speel.

Na ‘n jaar in gr. R is die aanpassing in gr. 1 baie makliker omdat hulle reeds vertroud is met hul skoolomgewing en hul maats ken. Baie vriendskappe wat deur hul hele skoolloopbaan hou, word reeds hier gesmee.

Me. Estelle van Eeden
Graadhoof
Gr. R

Me. Maryke Walters
Gr. R

Me. E. Lambrechts
Gr. R-assistent

Graad 1 tot 3

Die Grondslagfase-afdeling van die skool bestaan uit kleurvolle klaskamers wat ‘n positiewe leeratmosfeer skep en beskik oor uitstekende apparaat en geriewe. Ons het tans drie graad 1-klasse en twee gr. 2- en 3-klasse.

Ons goed opgeleide onderwysers is ervare en dinamiese. Hul is streng dog liefdevol en sien werklik om na die leerlinge.
Die klasse beskik oor nuwe televisiestelle wat baie produktief aangewend word. Die leerlinge ontvang huiswerkblaaie waarop die huiswerk uitgestippel word.
Goeie skakeling vind plaas tussen die Grondslagfase- en Preprimêre onderwysers ten opsigte van skoolwerk en hulpverlening. Verryking ten opsigte van Wiskunde en Leesonderrig vind plaas. Rekenaaronderrig vind gedurende skooltyd plaas.

Ons fase poog om ‘n hoë persentasie deelname aan die sportsoorte, wat deur die skool aangebied word, aan te moedig. Leerlinge neem ook gereeld deel aan kultuuraanbiedings. Die graad 3’s bied elke jaar ‘n Kerssangdiens aan vir die res van die skool. Ons word aan entrepreneursdae blootgestel waar hul self die verkope (onder toesig) hanteer.

Daar is ook baie goeie skakeling tussen onderwysers en ouers danksy gereelde ouerafsprake. ‘n Prestige-aand word jaarliks gehou om goeie werk te beloon. Leerlinge se werk word ook gereeld uitgestal.

Me. Zelda Hugo
Gr. 1

Me. Charlin Etzebeth
Gr. 1

Me. Elizma Williams
Gr. 1

Me. Mariana Swanepoel
Departementshoof
Gr. 2

Me. Carien de Beer
Gr. 2

Me. Helen-Ann Roux
Gr. 3

Me. Annelene Sleigh
Gr. 3

Graad 4 tot 7

Die senior fase is bekend vir die hoë akademiese standaard waarmee ons leerlinge toerus. Verskeie van ons oudleerlinge se name verskyn jaarliks op die Top 20-lys vir akademiese prestasie van die Hoërskool Bellville, DF Malan, Stellenberg en ander hoërskole. Van ons oudleerlinge kom vertel gereeld dat hul van die werk, wat in die hoërskool behandel word, beter verstaan as van die ander leerlinge.

Die graad 4- tot 7-personeel is baie dinamies, het hoë verwagtinge van die leerlinge en gaan uit hul pad uit om hul as volwaardige mense te ontwikkel. Die personeel streef ook voortdurend daarna om op akademiese gebied te vernuwe en op die voorpunt van ontwikkeling te bly.

Daar is goeie skakeling tussen onderwysers en ouers danksy gereelde ouerafsprake. ‘n Prestige-aand word jaarliks gehou om leerlinge te beloon wat akademies presteer het.

Ons het twee klasse in elke graadgroep, terwyl ons in graad 7 ‘n aparte seuns- en dogtersklas het. Laasgenoemde is om die emosionele en fisiese verskille wat op hul ouderdom voorkom die beste te akkommodeer.

Me. M. Mcarthy
Gr. 4

Mnr. Corné Lötter
Gr. 4

Me. Charon Aspelling
Gr. 4

Me. Esmé Uys
Gr. 5

Me. Ilandi Steenkamp
Gr. 5

Mnr. Jacques Viviers
Gr. 6

Mnr. Johannes Terblanche
Gr. 6

Mnr. Johan Mostert
Departementshoof
Gr. 7

Me. Erika Bekker
Gr. 7

Me. Petra Gustafson
Gr. 7

Assessering

Deurlopende informele assessering word tydens lesse gedoen volgens ‘n verskeidenheid assesseringstrategieë. Dit word gebruik ter voorbereiding van formele assessering. Formele assesseringstake, soos vervat in die KABV, word gereeld gedoen. Hierdie formele assessering bepaal die finale punt vir elke vak. Die leerlinge ontvang elke kwartaal ‘n formele aanpasbare assesseringsprogram.

Aan die einde van die tweede en vierde kwartaal skryf gr. 4- tot 7-leerlinge eksamen volgens ‘n vooraf opgestelde eksamenrooster. Werkafbakening word vroegtydig aan gr. 4- tot 7-leerlinge beskikbaar gestel.

Vorderingsverslae word aan die einde van elke kwartaal aan ouers gestuur. Waar nodig word onderhoude met die gehou om leerlinge se vordering te bespreek. Bykomende onderhoude word gedurende die kwartaal ook gereël. Leerlinge wat intervensie benodig, word ondersteun en waar nodig maak onderwysers van differensiasie gebruik en word individuele hulp voorsien.

Vir meer inligting oor vakke, slaagvereistes en assessering, besoek die WKOD se webtuiste.

Verskeie webwerwe vir naslaandoeleindes wat u kan besoek. Hierdie is slegs voorbeelde en nie skakels nie.

www.afrikaans.com • Die Mielestronk • Wikipedia • Rieme.co.za • Simply Fun Projects.com • Craftown.com
How stuff work • Science Made Simple • Technologystudent.com • Focus Eductional • IXL Math Online
www.javak.co.za • www.skatkis.com

 

Leerderondersteuning

Laerskool BelIville-Noord is bevoorreg om ‘n leerondersteuningspos te hê wat deur die WKOD aan die skool toegeken is. Die ondersteuningsonderwyser is egter slegs sekere dae by ons aangesien sy ook by ander skole ingedeel is.

Die leerderondersteuner se doel is om die leerlinge wat nie die spesifieke leeruitkomste vir Wiskunde of sy/haar Huistaal bereik het nie, in kleiner groepe tydens skoolure uit die klas te onttrek.

In die kleiner groepe word daar van verskeie metodes en tegnieke gebruik gemaak om die nodige uitkomste te bereik. Die leerders word op gegewe tye onttrek om die agterstande in te haal. Die ondersteuning geskied meestal in die rekenaarlokaal.

Indien daar nog verdere terapie nodig is, word die ouers daarvan ingelig en word privaat, individuele terapie aanbeveel wat deur die ouers betaal word. Die volgende terapeute word deur die skool aanbeveel:

• Maryna Johnson (sielkundige) (021) 948 5234
• Cornelia Prins (arbeidsterapeut) (021) 919 9856
• Dr. A. van der Walt (pediater) (021) 930 0630
• Helene Hall (studiemetodes) (021) 919 7603
• Christa Lamprecht (Wiskunde- en Taalklasse) (021) 919 7677 of 072 130 7310

In die handel is daar verskeie boeke en DVD’s beskikbaar wat handel oor kinders met spesiale onderwysbehoeftes. Hier
is twee wat aanbeveel word:

Boeke:    “A friend like Henry” ISBN 978-0-340-93402-9
“Skakel jou brein aan” ISBN 0-624-04285-5

DVD:       Tare Zameen Par (Every child is special) Aamir Khan

Me. Corinne Jansen
Leerderondersteuning

Kontak Ons

Tel. 021 948 3654
Faks. 021 949 2087
E-pos: lbnoord@bnprim.co.za

Adres

Van der Stelstraat
Bellville
7539

Web Design by iPlay-Media