KULTUUR

Danslesse (privaat)

Verskeie skakel in by die Vibrant School of Dance van Alida van Schalkwyk. Die dansskool fokus op Christelike musiek vir hul danse. Kontak Alida by 0825004130.

    

Dramaklub (privaat)

Ons beskik oor die dienste van ‘n privaat dramaklub genaamd Dramatics Drama Akademie wat op sekere weeksdae in die skoolsaal aktief is. Kontak Chantal van der Hoven vir enige verdere inligting by 0836331057.

    

Eisteddfod

Jaarliks kry verskeie leerlinge die geleentheid om aan verskeie eisteddfods deel te neem. Afrigting vind tydens pouses plaas; andersins na skool.

Koor

Ons koor word afgerig deur me. Ruvé de Necker en begelei deur me. Erika Fox. Die koor tree gereeld op en behaal baie goeie punte by koorfeeste en eisteddfods.

Op 25 Julie 2012 het die koor, toe onder leiding van me. Corrina de Coning en begelei deur Me. Petro Carstens, die Nasionale ATKV-Applous-koorkompetisie (in die afdeling minder ervare Laerskoolkore) op Stellenbosch gewen. Die koor het 87,6% behaal en ook ‘n goue toekenning ontvang. Kore wat deelgeneem het, moes eers op Provinsiale vlak deelneem om vir die eindrondte te kwalifiseer. Die koor het ook ‘n spesiale toekenning ontvang vir die koor wat die voorgeskrewe werk, Seerowers, die beste uitgevoer het.

Ons het ook ‘n Junior koor wat by koorfeeste en eisteddfods asook ons jaarlikse grondslagfase-prysuitdeling optree. Me. Zelda Hugo (gr. 1) is al vir ‘n aantal jare die koorleier.

          

Leerlingraad

Bellville-Noord se leerlingraad word elke jaar aan die einde van die jaar uit die graad 6-leerlinge aangewys. Hul name word tydens die prestige-aand aangekondig en hul ontvang tydens hul graad 7-jaar opleiding in leierskap. Spesifieke onderwysers ondersteun hulle tydens hul jaar op die leerlingraad.

            

Mediaspan

Sonder ‘n toegewyde mediaspan kan Bellville-Noord se biblioteek nie optimaal benut word nie. Die leerlinge vanaf graad 3 kry geleentheid om hierby betrokke te raak. Me. Erika Bekker is dié leerlinge se mentor.

Musiekonderrig (privaat)

‘n Nuwe musiekonderwyseres neem die musiekonderrig oor vanaf 2018.  Die persoon se kontakbesonderhede volg later.

Noodhulp

Jaarliks kry ons graad 6-leerlinge die geleentheid om opleiding in noodhulp te kry. Die suksesvolles dien dan in gr. 7 in
die noodhulpspan. Hul word gelei deur me. Maryke Walters.

          

Revue

Elke vier jaar het ons skool ‘n revue waarby alle klasse en personeellede betrokke is. Juf. Charlin Etzebeth koördineer die revue. Alle en klasse vanaf graad R is by hierdie revue betrokke.

          

Skoolkoerant: Noordwaarts

Aan die einde van elke jaar word ‘n hoë gehalte glanspublikasie met ‘n opsomming van die jaar se gebeure aan alle oudstes en enigstes uitgedeel. Die artikels word deur die personeellede asook sommige leerlinge geskryf. Prag foto’s vergesel sommige artikels. In die middel van die publikasie is altyd ‘n volkleur foto-beeld van die jaar se gebeure.

        

Vasvrakompetisies

Vasvrakompetisies het al deel van Bellville-Noord se skooljaar geword. Talle neem aan hierdie kompetisies deel. Spanne bestaande uit graad 5 en/of 6’e neem jaarliks deel aan die Angra Avontuurklub se koerantvasvra. Ons skool was in 2015 en 2016 die kampioene. In 2016 was al drie ons spanne in die top 5 van hierdie kompetisie wat tussen ‘n paar skole plaasvind.

Die seniors se algemene kennis word aan die hand van die Ek weet-program, wat deur Dawid en Marina van Lill saamgestel word, uitgebrei.

Die gr. 7’s neem jaarliks aan die Evervasvra deel waartydens leerlinge op iPads hulle antwoorde invoer.

Gr. 6-en 7-leerlinge neem reeds 21 jaar lank deel aan die landswye Wêreldkennis Olimpiade.

Kontak Ons

Tel. 021 948 3654
Faks. 021 949 2087
E-pos: lbnoord@bnprim.co.za

Adres

Van der Stelstraat
Bellville
7539

Web Design by iPlay-Media