SPORT

Ons is ongeag die grootte van ons skool uiters kompeterend as ons teen veel groter skole moet meeding in skaak, op die rugby-en krieketveld, asook op die netbal-en atletiekbaan. Jukskei kan ook as ‘n skoolsport geneem word, alhoewel dit deur buite-afrigters aangebied word by Bellville Jukskeibaan. Vanaf 2019 bied ons hokkievaardigheid (gr. 4 – 7) aan bykomend tot rugby, netbal en krieket. ‘n Volle meisieskrieketspan (gr. 4 – 7) het ook in 2019 hul eerste wedstryd gespeel en meer fokus gaan vorentoe gegee word aan ‘n volwaardige meisiespan. Enkele meisies speel wel gereeld saam met die seuns in spanne.

Ons bied gereeld ‘n krieketdag vir volwasse spanne aan en/of neem deel aan soortgelyke dae. Ouers kan dan ook informeel inskakel by die Brouniesspan wat krieketwedstryde speel teen ander skole/klubs. “Tag”-rugby word informeel op sommige Sondae gespeel en sluit enige BN’er in vanaf o.7 tot ons ouers en onderwysers. Meisies speel ook saam.

Ons bied jaarliks drie uiters suksesvolle sportdae aan: die mini-krieketdag, junior atletiekbyeenkoms en aand-netbaltoernooi. Ons neem deur die loop van die seisoen deel aan verskeie sportdae. Ons skaakleerlinge neem ook gereeld aan toernooie deel. Ons bied ook gereeld ‘n krieketdag vir volwasse spanne aan. “Tag”-rugby word informeel op sommige Sondae gespeel en sluit enige BN’er in vanaf o.7 tot ons ouers en onderwysers.  Meisies speel ook saam.

Al ons spanne word deur onderwysers self afgerig en kry hulp van ‘n paar buite-afrigters wat hul ondersteun of bystaan. Ons laat ook oudleerlinge toe om praktiese ervaring by ons op te doen wanneer hul sportkursusse (atletiek, netbal, rugby, tennis, hokkievaardigheid) volg en die nodige kwalifikasies (soos Boksmart) het. Bykomende afrigting deur privaatinstansies is beskikbaar vir rugby en krieket en word goed ondersteun.

‘n Sportprogram met al die nodige tye en datums word aan die begin van elke kwartaal uitgegee.

So lyk ons sportaanbieding:

 

Somer: 

  • Atletiek
  • Balvaardigheid (seuns en meisies) Gr.1 tot 3
  • Krieket (seuns en meisies)
  • Mini-krieket (o.8, o.9)
  • Skaak (beginners en gevorderd)
  • Tennis
  • Hokkievaardighede (vanaf o.10 tot o.13, na-ure by Hoërskool Bellville)

Winter: 

  • Mini-netbal (o.7, o.8, o.9)
  • Mini-Rugby (o.7, o.8, o.9)
  • Netbal
  • Rugby
  • Skaak (beginners en gevorderd)
  • Hokkievaardighede (vanaf o.10 tot o.13, na-ure by Hoërskool Bellville)

Ander:

• Ons o.14-leerlinge skakel meestal in by Hoërskole Bellville en DF Malan vir krieket, netbal, hokkie en rugby.
• Ons leerlinge kan ook jukskei beoefen. Dit vind plaas by Bellville Jukskeiklub onder afrigting van André Niehaus (082 411 1829).
• Vele van ons leerders neem buite skoolverband deel aan karate, toutrek, gimnastiek, moderne danse, teikenskiet asook binnenhuise netbal én –krieket. Ons gee dan ook aan hul erkenning as hul hier presteer.
• Waar gr. 6 en 7-meisies ‘n vaardigheid in hokkie ten toon stel, kry hul geleentheid om by die o.14 B-meisiesspan van Hoërskool Bellville in te skakel aangesien ons dit nie as amptelike sport aanbied nie. BN sportgeleenthede kry egter altyd voorrang waar wedstryde/sportdae sou oorvleuel.
• Vanaf 2019 kan leerlinge ook inskakel by die BN Bergfietsklub wat deur Grannygear (grannygear.co.za) bestuur sal word.

 

Ons sportorganiseerders lyk soos volg:

Me. Ilandi Theron
Atletiek

Me. Michelle McCarthy
Tennis

Me. Emily Lambrechts
Netbal

Mnr. Wimpie Annandale
Rugby

Mnr. Johannes Terblanche
Oorhoofs / Krieket

Mnr. Corné Lötter
Mini-Krieket / Hokkie-vaardighede

Me. Mariaan Swanepoel
Skaak

Erkenning aan nasionaal en internasionale prestasies

Alhoewel karate en moderne danse ‘n “buite” sport is, gee ons erkenning aan leerlinge wat daarin (soos ander buite sporte) presteer. Clarese Lourens het SA in 2017 (Gr. 2) in Roemenië verteenwoordig in Karate en twee silwer medaljes verower. Sy het in 2019 (gr. 4) in Maleisië verder gegaan en is as die wêreldkampioen gekroon met goue medaljes.

Drie dames waarop BN baie trots is wat oud-BN’ers is en nasionale kleure die vorige 10 jaar in hul onderskeie sportkodes ontvang het is Yolandi Potgieter (SA Vrouekrieket: 2013, 2014), Chané Stadler (SA Vroue Sewesrugby: 2015, 2017, 2018) en Kyala Smit (SA Atletiek: 2018).

GF Linde (SA Manskrieket: 2019) is nog ‘n oudleerling wat ons land op nasionale vlak verteenwoordig het.

Al vier het hierdie sportkodes by Bellville-Noord begin speel en daarmee voortgegaan of later weer opgeneem en ook die Westelike provinsie en/of ander streekspanne verteenwoordig.

Mia Kretschmer (gr. 7, 2017) was deel van ‘n SA-span in Hip-hop (‘n moderne dansstyl) wat in Nederland deelgeneem het. Haar broer, Owen Kretschmer, het in 2018 (gr. 6) dieselfde gedoen en weereens in 2019 (gr. 7) waar hy en sy spanmaat die beste van al die SA’ers gevaar het.

Aldo van der Walt (gr. 3) is in 2019 aangewys as die SA Kampioen in Kyokushin Kan Karate.

Danika van Eden (gr. 5) en Zia van Rensburg (gr. 5) is SA Fitness Sport Aerobics se SA Kampioene in 2019.

Clarese Lourens
SA Karate 2017 (Gr. 2) en 2019 (Gr. 4)

Chane Stadler, SA Vroue Sewesrugby
2015, 2017, 2018

Yolandi Potgieter, SA Vrouekrieket
2013, 2014

GF Linde
Provinsiale krieketspeler 2012 – 2019, SA Krieket 2019
(Foto van Gallo Images)

Mia Kretschmer, SA Hip-hop 2017 (Gr. 7)
Owen Kretschmer, SA Hip-hop 2018 en 2019 (Gr. 6&7)

Kayla Smit, SA Atleet (Goud: hammergooi)
2018

Kontak Ons

Tel. 021 948 3654
Faks. 021 949 2087
E-pos: lbnoord@bnprim.co.za

Adres

Van der Stelstraat
Bellville
7539

Web Design by iPlay-Media